ភ្នំពេញ: វ៉ាក់សាំងស៊ីណូហ្វាមចំនួនកន្លះលានដូសនឹងត្រូវបញ្ជូនមកដល់ប្រទេសកម្ពុជានៅថ្ងៃច័ន្ទនេះ វ៉ាក់សាំងទាំងនេះគឺជាអំណោយរបស់កងទ័ពរំដោះប្រជាជនចិនជូនដល់ក្រសួងការពារជាតិកម្ពុជា។

រដ្ឋមន្ត្រីក្រសួងការពារជាតិលោក ទៀ បាញ់ នឹងទៅទទួលផ្ទាល់ចំពោះការដឹកជញ្ជូននៅអាកាសយានដ្ឋានអន្តរជាតិភ្នំពេញ បន្ថែមពីលើស៊ីណូហ្វាម (Sinopharm)ចំនួន ៥០០,០០០ ដូសប្រទេសចិនក៏ត្រូវបានគេរំពឹងថានឹងផ្តល់នូវឧបករណ៍វេជ្ជសាស្ត្រប្រមាណ ២០ លានយ័ន (ប្រហែល ៣ លានដុល្លារ) រួមទាំងម៉ាស៊ីនបង្កើតអុកស៊ីសែនឧបករណ៍ដកដង្ហើមនិងឈុត PPE ដល់ប្រទេសកម្ពុជាផងដែរ។

ទោះបីជាវ៉ាក់សាំងគឺជាអំណោយដល់យោធាកម្ពុជាក៏ដោយ វ៉ាក់សាំងទាំងនោះមិនត្រូវបានប្រើលើបុគ្គលិកយោធានោះទេដោយសារ កងយោធពលខេមរភូមិន្ទបានចាក់វ៉ាក់សាំងការពារយ៉ាងពេញលេញរួចរាល់ហើយ ដូច្នេះវ៉ាក់សាំង Sinopharm នឹងត្រូវបានផ្តល់ជូនដល់ប្រជាជនទូទៅដែលមិនទាន់បានចាក់វ៉ាក់សាំង។

ចាប់តាំងពីថ្ងៃទី៧ ខែកុម្ភៈ ឆ្នាំ២០២១ ប្រទេសចិនបានផ្តល់វ៉ាក់សាំងការពារជំងឺកូវីដ-១៩ សរុបចំនួន ២១,៧ លានដូស។ ៣.២ លានដូសត្រូវបានបរិច្ចាគខណៈដែល ១៨.៥ លានត្រូវបានទិញដោយរដ្ឋាភិបាល៕